撰文︰Aden  試車/攝影︰Sunny/Francis

車輛提供︰車主文哥  鳴謝協力︰Zontes Motorcycle Hong Kong

在國內中排量大綿羊市場中，ZONTES(升仕) 368家族無疑是頂流般的存在。該系列共包含五款型號，涵蓋了運動取向的D/M系列與舒適定位的E/K系列，而368G則是其中最特別、最具野性的一款。

作為家族中唯一的跨界ADV大羊，368G在兼顧城市通勤的基礎上，將跨界越野屬性發揮到了極致，堪稱是國內中排量市場中真正擁有ADV基因的車款。Zontes品牌一貫的高配置與紮實用料在368G身上得到了充分體現，全新一代368G在動力、電控、輕量化與舒適性方面均有全面提升。

動力引擎：高效散熱與平順輸出的完美結合
車輛搭載升仕自主研發的368c.c.水冷四衝程單汽缸SOHC 4氣門引擎，採用79mm x 75mm的缸徑行程設計，壓縮比高達11.8:1。系統匹配Bosch電噴系統，並全新升級為ETC電子油門，徹底取代傳統拉線結構，使控制精度與油門響應速度顯著提升。這具引擎可輸出最大馬力達38.7ps/7,500rpm及最大扭力4.1kg-m/6,000rpm，整體動力輸出平順線性，加速強勁且油門反應靈敏。

為確保高性能輸出的穩定性，車輛採用水冷與外置油冷器雙冷卻設計，能有效抑制引擎在高負荷運作下的熱衰竭。此外，引擎內部透過重新設計汽缸與缸頭並優化機油循環系統，使機油溫度大幅降低約12°C，有效提高引擎耐用性，更將保養週期從原本的4,000公里延長至6,000公里。在油耗與續航方面，100公里油耗從3.5L降至3.3L，搭配17.5L的大容量油缸，滿油續航里程可輕鬆突破500公里。

外觀設計：硬朗越野風格與科技視覺
ADV越野風格的跨界大羊近年來熱度極高，此潮流可追溯至Honda X-ADV 750，而Zontes 368G在此基礎上更進一步，於設計上實現了突破。整車線條簡潔硬朗，充滿濃厚的越野氣息。照明系統全面採用LED光源，前大燈由四顆獨立透鏡加上燈眉組成，極具侵略性與運動感。

在硬體設定上，配備前17吋及後14吋的無內胎鋼絲輪框，搭配半熱熔多功能胎、高達180mm的離地間隙以及高位排氣管設計，兼具豪邁的越野外型與優異的沙石路面通過性。2026新款共提四種車色，足以滿足不同騎仕的個性化需求。

硬體配置與輕量化：兼顧操控與實用性
考慮到中排量大羊普遍車身偏重，在窄路掉頭或市區車陣中穿梭時往往不如小排量車款靈活，廠方在368G上特別針對輕量化進行了優化。最新款整車裝備(濕重)成功控制在192kg，比前代減輕了約6kg。新款排氣管經過重新造型設計，體積更緊湊、重量更輕，有效降低了後輪的簧下質量，大幅提升動態操控感。

在乘坐舒適度方面，採用寬大舒適的沙發級座墊，不僅前後座均支援三段獨立加熱功能，更配備氣壓阻尼桿，兼具舒適度與高級感。原廠提供795mm的高座版與770mm的低座版兩種座高選擇以適應不同身高的騎仕，且座墊下方的置物空間十分充裕，可輕鬆收納兩頂全罩式安全帽。

動力輸出提供兩種模式，只需按下右手把的M鍵即可一鍵切換。T模式動力輸出平順，適合長途或平日駕駛降低騎乘疲勞。S 模式則爆發力十足，油門反應更直接，適合市區超車與熱血騎行。

在制動與懸掛系統方面，前制動採用J.Juan對向四活塞卡鉗搭配大直徑浮動鑽孔碟，後制動為單活塞卡鉗搭配單鑽孔碟。至於懸掛部分，前方配備街車級別上下三角碼右壓縮與左下壓阻尼可調功能的41mm倒立式前避震，後方是雙筒彈簧避震設預載及回彈可調。

電控系統：滿配科技，越級體驗
368G的電控配備在同級距車型中堪稱天花板級別。安全輔助系統方面，全車標配雙通道ABS與TCS循跡防滑系統。TCS能即時監測前後輪轉速，在濕滑或砂石路面有效防止打滑，同時支援後輪ABS單獨關閉，賦予騎仕在沙石路面輕度越野的樂趣與操控自由度。得益於電子油門的導入，368G新增了定速巡航功能，長途騎乘時能大幅減輕右手腕的負擔。

車輛搭載8吋TFT全彩色液晶儀錶板，內建高性能四核心處理器，開機迅速且能適應零下30°C至85°C的極端溫差。儀錶提供四種顯示風格切換，並支援手機藍牙互聯、導航投屏、OTA線上升級、音樂控制、來電接聽及胎壓偵測功能顯示。

此外，368G還具備業界首創的三電智能聯控技術，系統能在行駛中智能調節電熱把手、電熱座墊等高耗電設備的功率，讓騎仕對電量續航更有把握。在其他豪華配備上，Keyless免鑰匙啟動系統為標準配置，並支援升仕智能APP遠端遙控解鎖，車身內建1080P高畫質前後雙鏡頭行車紀錄器，全時守護行車安全。再加上五段可調式前風鏡與快充USB連接埠，整體實用性與科技感均是無可挑剔。

Francis試車感受
近期越野羊(ADV Scooter)風潮席捲全港，繼早前的ADV 350系列後，Zontes(升士)再度發力推出全新的 368G。作為同樣長期駕駛ADV風格綿羊的車主，筆者對這輛車的期待值相當高。經過一番實測，這輛368G給予筆者的總體感覺比以往更加「硬派」，運動性能與越野基因的結合更為純粹。

操控感：高重心帶來的靈活性轉變
對比同門的350D/V系列，368G的車身視覺與體感上更顯纖瘦，但隨之而來的是顯著提升的重心高度。這歸功於廠方為了強化越野性能，特別加長了避震行程，並換上了更大直徑的前後輪胎(前輪更達到 17吋)。在路面起伏明顯的龍翔道行駛時，長行程避震表現出極佳的吸震能力，路感處理得非常細膩，有一種駕駛大型歷奇車的錯覺。不過，當車速稍快時，長行程避震帶來的過渡性擺動會產生類似「海盜船」的起伏感，這點玩家需要稍微適應。

由於換裝了17吋前大轆(一般300c.c.級別多為15吋)，車頭在入彎時的反應極其迅速且敏感。初時切入彎角可能需要時間習慣那種高重心帶來的傾倒速度，但一旦摸索到極限並放膽「落灣」，就會發現這種高重心設計反而賦予了車輛極強的靈活性。

在動力方面，368G搭載的引擎具備38ps馬力，數據上在同級中非常亮眼。而最令筆者驚喜的是，這是Zontes首次在綿羊車型上導入電子油門(Ride-by-Wire)，並提供T(Eco)與S(Sport)兩種動力模式切換。至於兩種模式的動態差異，T模式(Touring)：在5,000轉後的動力銜接變得溫和順滑，動力輸出的曲線被修飾得更為平穩，容錯率更高。而S模式(Sport)：油門反應明顯變得靈敏，動力呼之即來，非常適合追求刺激或需要快速超車的場景。

另外這套傳動系統的接合點大約在3,000轉左右，在5,000轉以下，引擎表現得斯文大方，動力輸出線性，非常適合市區穿梭巡航。一旦轉數突破5,000轉，整輛車會瞬間換了一副面孔，動力湧現感強烈，配合S模式的快速反應，玩樂性極高。

Zontes 368G不僅僅是一輛「換殼」的350，從底盤幾何到電控系統都進行了大幅度優化。17吋前轆配合長行程避震，讓她具備了同級羊中罕見的操控靈魂。如果你追求的是那種具備運動感、且能應付更複雜路面的越野綿羊，368G的表現絕對會讓你耳目一新。

Sunny試車感受
霸氣外觀·誠意滿載，ZONTES 368G！
ZONTES(升仕)全新推出嘅368G到底有幾搶手？代理負責人Lukey哥話，呢款新車一到香港，所有配額幾乎瞬間賣晒。為咗等一眾車迷可以先了解新車性能，Lukey為我哋特別借咗首批車友「文哥」啱啱落地、只係行咗200公里嘅愛駒嚟試駕。這輛368G唔單止外觀霸氣十足，車主文哥仲幫佢加咗好多心思改裝，接住落嚟就等我帶大家感受吓呢架話題新車嘅真實表現啦。

霸氣外觀與實用升級
第一眼望到ZONTES 368G，絕對會俾佢強烈嘅視覺震撼吸引。車身用咗好有質感嘅墨綠色配黑色，加上點綴得啱啱好嘅車身彩繪，同埋自帶氣場嘅四粒透鏡大燈同燈眉。再加埋大型嘅「雀嘴·左右更加上原裝霧燈」前沙板同倒立式前叉，成架車散發住十足嘅歷奇車氣勢。

除咗原廠堪稱同級最豐富嘅電控(包括暖手把同前後獨立暖座墊)之外，車主文哥仲針對個人需要做咗前期嘅實用升級。原廠本身已經好有誠意咁配備咗車頭保險桿，而文哥就好巧妙咁喺上面掛咗一對小型收納袋，咁樣唔單止多咗儲物空間，連同保險桿一齊，萬一輕微跌車都可以發揮好好嘅緩衝保護作用。同時，排氣喉都加裝咗保護桿。

最令人驚喜嘅係，佢將原廠「手動五段」風鏡直接升級做直上型電動風鏡。無段式高低調整喺行高速公路嗰陣可以有效擋住風切聲，大大提升頭部嘅寧靜度，實測表現非常分理想，相信冬天行駛高速公路時會有意想不到的表現，當然再配合發熱手筒及座墊，一定會有另一番駕駛感受。

另外，雖然新車原廠已經標配咗車Cam，但文哥為咗進一步加強保障，特意再加裝多一套前後鏡頭嘅車Cam，仲將個獨立顯鏡頭示屏裝喺原廠大面積全彩液晶錶板上面，直接當埋電子後視鏡用，令行車安全提升咗一個層次。

輕盈操控與靈活動態
千祈唔好俾佢巨大又有肌肉感嘅外型呃到，雖然望落好重份量，但實際駕駛時卻係異常輕鬆。368G嘅裝備重量只係得198kg，配合較闊同偏高嘅手把設計，令過彎或者轉向嗰陣，可以感受到極佳嘅輕盈感同支撐力。至於輪胎配置方面，原廠用咗(CST輪胎)前17吋及後14吋嘅設定，令到架車就算喺高速公路上用時速100公里巡航，車身動態依然表現得非常穩定，但個人覺得提升整體操控性可以從較高手把改善。

強悍動力與避震回饋
動力心臟方面，368G配備咗一副368c.c.引擎，可以輸出38ps馬力，呢個數據喺同級車入面絕對係名列前茅。並提供咗兩種動力模式(T模式同S模式)。老實講，喺市區路段行駛嗰陣，兩個模式嘅分別唔算十分明顯，不過一上到高速公路刻意去試從發力點6,000轉，個分別就真係幾大！喺T模式(休閒駕駛)感覺好平順線性，但只要扭深啲油門，依然感覺到明顯嘅推力。而一旦轉用S模式(運動)之後，油門反應就會變得非常靈敏及進取，提速同馬力湧現明顯爽快好多，動力隨傳隨到，俾到好正嘅熱血駕駛樂趣。

制動系統同樣見到原廠滿滿嘅誠意，頭轆用上單鑽孔碟配J.Juan四活塞卡鉗，雖然 J.Juan 唔算係最頂級嘅大牌子，但絕對係有名氣而且超高性價比嘅品牌。尾轆同樣採用碟煞，雖然唔算係大碟，但前後互相呼應之下，整體制動表現恰如其分，俾到駕駛者一份滿滿嘅安心感。如果遇上想進一步提升效能，筆者一直都建議，純粹只靠制動系統煞停車嘅話，最好就係換套高性能煞車皮，咁樣一定會有好明顯嘅表現提升。

至於避震方面，真係要讚吓原廠俾料幾足，前避震已經用到街車級別嘅上下三角台(上下眼鏡)倒立前叉，仲要具備左邊調校下壓阻力、右邊調校回彈嘅功能。而車主文哥亦都落足本，換咗一對Ohlins高性能尾避震。不過喺我哋試車嗰陣，由於前避震仲係用緊原廠調校設定，暫時未能完全配合到新改裝嘅高性能尾避震，搞到路面碎震感有啲明顯。相信只要之後花少少時間，善用前叉嘅調校功能去夾返對尾避震，等前後避震可以互相呼應，成架車嘅路面回饋同過彎支撐性絕對會有更好嘅表現。

結語：性價比爆燈嘅誠意之作
整體嚟講，ZONTES 368G絕對係一輛性價比極高嘅產品，*香港代理而家定價$55,800嘅出車價，真係可以話係誠意十足！*用呢個價錢買到咁豐富嘅規格同性能，真係無可挑剔。

最後一定要提下佢原廠跟車嗰套無內膽鋼絲輪框，對追求粗獷歷奇風格嘅車迷嚟講，絕對係最完美嘅視覺點綴。不過對好似我呢啲「懶得洗車」嘅人嚟講，每次要清潔鋼絲輪框啲死角，確實係一大考驗。如果大家都對這輛歷奇綿羊仔有興趣，不妨親自落一轉代理度，睇吓有冇緣分親眼見識吓佢嘅迷人魅力啦。(截稿前代理已有新車抵港)

2026 Zontes 368G Enduro規格表：
全長：2,230mm
全闊：925mm
全高：1,370mm
軸距：1,560mm
座位高度：795/770mm
最低離地距：180(高版)/155mm(短版)
濕重：198kg
油箱容量：17.5L
引擎型式：水冷四程單汽缸SOHC 4氣門
缸徑x衝程：79.0mm x 75.0mm
容積：368c.c.
壓縮比：11.8:1
最大馬力：38.76ps/7,500rpm
最大扭力︰4.08kg-m/6,000rpm
供油系統︰Bosch EFI
點火：電子
起動：電動
驅動模式：皮帶
離合器/波箱：CVT無段變速
耗油量︰3.5L/100km
車架︰鋼管
前懸掛系統：41mm倒立式前避震
後懸掛系統︰雙筒油壓彈簧
前制動系統：單鑽孔碟配J.Juan 4活塞卡鉗
後制動系統︰240mm單鑽孔碟配單活塞卡鉗
前後輪框︰MT:3.0×17/MT:4.25×14
前輪胎：110/70-17
後輪胎︰150/70-14